نئی دہلی (آئی این پی ) انسانی حقوق کے لیے کام کرنے والی بین الاقوامی تنظیموں نے بھارتی حکومت پر زور دیا ہے کہ وہ روہنگیا مسلمانوں کو ملک بدر نہ کرے، بھارت کاروہنگیا مسلمانوں کو نکالنے کا فیصلہ عالمی قوانین کی خلاف ورزی۔ غیر ملکی میڈیا کے مطابق دسیوں

ہزار پناہ گزیں روہنگیا مسلمانوں کو ملک سے نکال دینے پر مبنیبھارتی حکومت کے فیصلے کے بعد جنوبی ایشیا میں ہیومن رائٹس واچ کے دفتر نے بھارتی حکومت سے کہا ہے کہ وہ بین الاقوامی قوانین کی پابندی کرے اور روہنگیا پناہ گزینوں کو اپنے ملک سے نہ نکالے۔بھارتی حکومت کے ترجمان نے کہا ہے کہ نئی دہلی، بنگلہ دیش اور میانمار کی حکومتوں سے رابطے میں ہے تاکہ بھارت سے چالیس ہزار روہنگیا مسلمانوں کو باہر نکالنیکا راستہ ہموار کرے۔ایمنسٹی انٹرنیشنل نے بھی حکومتبھارت کے اس فیصلے کو بین الاقوامی قوانین کے منافی بتایاہے۔انتہا پسند بودھسٹوں اور میانمار کی سیکورٹی فورس کے حملوں سے بچ کر میانمار کے دسیوں ہزار روہنگیا مسلمانوں نے بھارت میں پناہ لی ہے۔بھارت کی جونیئر منسٹر برائے خارجہ امور کرن رِجیجو نے گزشتہ ہفتے ملکی پارلیمان کو بتایا تھا کہ حکومت نے ملک کی تمام ریاستوں کے حکام سے کہا ہے کہ وہ روہنگیا کی شناخت کر کے انہیں ملک بدر کر دیں۔ روہنگیا میانمار سے تعلق رکھنے والا مسلم اقلیتی نسلی گروپ ہے جسے میانمار میں تشدد اور انسانی حقوق کی شدید خلاف ورزیوں کا سامنا ہے۔ میانمار اس گروپ کو بنگلہ دیش کے شہری قرار دیتے ہوئے اسے ملک کی ایک اقلیت تسلیم کرنے سے انکاری ہے۔

موضوعات:برما بھارت مسلمان میانمار