لاس اینجلس (این این آئی)روس کے دو امیر ترین خاندانوں سے تعلق رکھنے والے جوڑے کی شادی گزشتہ ہفتے امریکی شہر لاس اینجلس میں منعقد ہوئی جس کے لیے ایک کروڑ ڈالرز (ایک ارب پاکستانی روپے سے زائد) خرچ کیے گئے۔میڈیارپورٹس کے مطابق 22 سالہ لولیتا اوسمانہ روسی ارب پتی ایلڈ اوسمانوف کی بیٹی ہیں جن کی شادی 29 سالہ گیسپر اویڈولیان سے لاس اینجلس میں اْس مقام پر ہوئی جہاں آسکر ایوارڈز کا انعقاد

ہوتا ہے۔مگر شادی کی یہ تقریب آسکر ایوارڈز سے زیادہ پرتعیش تھی جس میں صرف پھولوں کی سجاوٹ پر ہی پانچ لاکھ ڈالرز خرچ کردیئے گئے۔اس کے علاوہ مہمانوں کے استقبال کے لیے وائلن بجانے والوں، رقاص، ریڈ کارپٹ ملبوسات، لیڈی گاگا جیسی گلوکارہ کی پرفارمنس اور دیگر معروف شخصیات کو خصوصی طور پر مدعو کیا گیا۔ایک روسی ویب سائٹ کے مطابق یہ تصور کرنا تو مشکل ہے تاہم اگر کوئی اس تقریب کو شکست دینا چاہتا ہے تو اسے مریخ پر شادی رچانا ہوگی۔دلہا کے والد بھی ایک ارب پتی ہیں، مہمانوں کا استقبال متعدد وائلن بجانے والوں نے کیا۔دلہن کی آمد بھی کمال کی تھی۔دلہن کا عروسی لباس ہی لاکھوں ڈالرز کا تھا۔وینیو کی چھت لاتعداد روشنیوں سے جگمگا رہی تھی۔مہمانوں کے نام بھی ستاروں کی شکل میں لکھے گئے تھے۔دلہا دلہن کا استقبال بیلے ڈانسرز نے کیا۔کھانے کو بھی انوکھے انداز سے پیش کیا گیا۔میٹھے کے لیے ایک کھلونا ٹرین تیار کی گئی تھی۔10 تہوں پر مشتمل عروسی کیک پر طلائی ورق چڑھائے گئے تھے۔لیڈی گاگا نے سرپرائز شرکت کی۔

موضوعات:مہنگی ترین شادی