خیبرایجنسی (مانیٹرنگ ڈیسک) امریکی گن شپ ہیلی کاپٹروں نے پاکستانی حدود کی خلاف ورزی کرتے ہوئے تقریباً تین منٹ پاکستانی حدود میں چکر لگائے، دو ہیلی کاپٹرز نے طورخم سرحد پر فضائی حدود کی خلاف ورزی کی جبکہ دو افغان حدود ہی میں پھرتے رہے۔ایک قومی روزنامے کے مطابق امریکن ہیلی کاپٹروں نے پاکستانی سرحد کے قریب چکر لگائے اور واپس چلے گئے۔

بدھ کو طورخم بارڈر کے قریب دو امریکی ہیلی کاپٹروں نے پاکستان کی فضائی حدود کی تین منٹ تک خلاف ورزی کی اور پھر واپس چلے گئے۔ اخبار کے مطابق دو امریکی ہیلی کاپٹروں نے افغان حدود کے اندر ہی چکر لگائے اور پھر مبینہ طور پر چاروں ہیلی کاپٹرز واپس چلے گئے تاہم سکیورٹی ذرائع نے بتایا کہ پاکستانی حدود کی خلاف ورزی نہیں ہوئی ہے تاہم امریکن ہیلی کاپٹروں نے پاکستان کی سرحد کے قریب چکر لگائے اور واپس چلے گئے۔

موضوعات:امریکی ہیلی کاپٹر