بیجنگ(مانیٹرنگ ڈیسک) چین نے ایک بار پھر نیوکلئیر سپلائر گروپ میں بھارت کی شمولیت کی بھر پور مخالفت کی ہے۔بیجنگ میں میڈیا بریفنگ کے دوران چین کے وزارت خارجہ کے ترجمان کا ایک سوال کے جواب پر کہنا تھا کہ نیوکلئیر سپلائیر گروپ میں شمولیت کے حوالے سے چین کی پالیسی میں کوئی تبدیلی نہیں آئی ہے.

بھارت کی نیوکلئیر سپلائیر گروپ میں شمولیت کے حوالے سے چین کا موقف واضح ہے اور چین بھارت کی ممبر شپ کی حتمی طور پر مخالفت کرے گا۔واضح رہے کہ گزشتہ سال نیوکلیئر سپلائرز گروپ کے ممبران کا اجلاس ہوا تھا جس میں بھارت نے شمولیت کے لیے درخواست دی تھی تاہم چین نے بھارت کی شمولیت کی مخالفت کی تھی۔

موضوعات:پاکستان چین