اسلام آباد(مانیـٹرنگ ڈیسک) شام پر امریکی حملے کےلیےامریکی صدر ڈونلڈ ٹرمپ کو انکی بیٹی ایوانکا ٹرمپ نے قائل کیا تھا۔سنڈے ٹائمز آف لندن کا انکشاف ۔برطانوی اخبار سنڈے ٹائمز آف لندن نے اپنی ایک رپورٹ میں انکشاف کیا ہے کہ واشنگٹن میں تعینات برطانوی سفیر سر کم ڈروچ نے

برطانیہ بھیجے گئے اپنے ایک سفارتی میمو میں انکشاف کیا ہے شام پر حملے کے لیے صدر ٹرمپ کی بیٹی ایوانکا ٹرمپ نے اپنے والد کو قائل کیا تھا۔برطانوی اخبار نے سماجی رابطوں کی ویب سائٹ ٹویٹر پرایوانکا کے ایک پیغام کا بھی ذکر کیا ہے جس میں امریکی صدر کی بیٹی ایوانکا ٹرمپ نے کہا کہ’’ انکا دل بُرے طریقے سے ٹوٹ گیا جب اُنھوں نے شام پر ہونے والے حملے کی تصویریں دیکھیں‘‘۔واضح رہے کہ امریکی صدر نے شام کے ایک قبائلی علاقے ادلب میںبشار الاسد کی فوج کے کیمیائی حملے کے بعد جس میں 80سے زائد افراد جاں بحق ہو گئے تھے کروز میزائلوں سے ایک شامی ائیر بیس کو نشانہ بنایا تھا، بتایا جاتا ہے کہ یہ وہی ائیر بیس ہے جہاں سے ادلب پر کیمیائی حملہ کیا گیا تھا۔ امریکی میزائل حملے کے بعد روس نے اس پر شدید ردعمل دیتے ہوئے امریکہ کو وارننگ بھی جاری کی تھی اور امریکی بحری جہاز جس سے میزائل داغے تھے کہ مقابلے کیلئے اپنا بحری جہاز بھی روانہ کر دیا تھا ۔جبکہ خدشہ ظاہر کیا جا رہا ہے کہ امریکہ اور روس کا اس میزائل حملے کے بعد بڑھتا ہوا تنائو کہیں تیسری عالمی جنگ نہ بن جائے۔

موضوعات:ایوانکا ٹرمپ ڈونلڈ ٹرمپ سنڈے ٹائمز آف لندن میزائل حملہ