ایڈن برگ(آئی این پی) اسکاٹ لینڈ کی حکومت نے برطانوی وزیراعظم تھریسامے سے علیحدگی کے لئے باقاعدہ طور پر دوسری مرتبہ ریفرنڈم کرانے کی درخواست کردی۔غیرملکی خبررساں ادارے کے مطابق اسکاٹش وزیر نیکولا اسٹرجین نے برطانوی وزیراعظم تھریسامے کو برطانیہ سے علیحدگی کے لئے دوسری مرتبہ ریفرنڈم کرانے کے لئے خط لکھ دیا جس میں کہا گیا ہے کہ اسکاٹ لینڈ کے عوام کو اپنے مستقبل کے فیصلے کرنے کا

اختیار حاصل ہے اور اسکاٹش عوام یورپی یونین کا حصہ رہنا چاہتے ہیں جب کہ برطانیہ نے یونین سے علیحدگی کا اصولی فیصلہ کر رکھا ہے۔  برطانیہ سے علیحدگی کے لئے 2014 میں ہونے والے ریفرنڈم میں 55 فیصد عوام نے برطانیہ کے ساتھ رہنے کے حق میں ووٹ دیا لیکن اب حالات مکمل طور پر تبدیل ہوچکے ہیں کیوں کہ گزشتہ سال ریفرنڈم میں اسکاٹش عوام نے یورپی یونین کا حصہ رہنے کے حق میں ووٹ دیا

موضوعات:برطانیہ