بیجنگ(آئی این پی )چین میں خادم پنجاب اجالاپروگرام کے تحت روڈ شو کے انعقاد میں پنجاب کے حکومتی وفد ، غیر ملکی کنسلٹنٹس اور سولر انرجی سے وابستہ 154 کمپنیوں نے شرکت کی ۔ چائنہ ریڈیو انٹرنیشنل کے مطابق بیجنگ میں پاکستانی سفاررت خانے کے زیر اہتمام خادم پنجاب اجالا پروگرام کے حوالے سے ایک روڈ شو کا انعقاد کیا گیا جس میں صوبہ پنجاب کے حکومتی نمائدگان پر مشتمل وفد، غیر ملکی کنسلٹنٹس اور سولر

انرجی سے وابستہ 154 کمپنیوں نے شرکت کی۔ اس موقع پر چین میں پاکستانی سفیر مسعود خالد نے شرکا کو اجالا پروگرام کے حوالے سے بریفنگ دیتے ہوئے کہا کہ توانائی میں کمی کی وجہ سے حکومت نے دوردراز کے علاقوں میں 20ہزار سے زائد اسکولوں کو شمسی توانائی پر منتقل کرنے کا فیصلہ کیا ہے ۔ اس منصوبے کا مقصد نہ صرف توانائی میں بہتری لانا ہے بلکہ لوگوں میں متبادل توانائی کے استمعال کے حوالے سے شعور پیدا کرنا ہے ۔ قائد اعظم سولر پارک منصوبے کے چئیر مین عارف سعید نے کہا اجالا منصوبے کا مقصد سکولوں کو صاف توانائی اور طلبا کو تعلیم کیلئے بہتر ماحول کی فراہمی ہے ۔ رود شو میں صوبائی سیکرٹری برائے انرجی ڈیپارٹمنٹ اس گیلانی نے وزیر اعلیٰ پنجاب شہباز شریف کی جانب سے پاکستان ایمبیسی کالج کیلئے 25 کمپیوٹر دینے کا اعلان کیا ۔ روڈ شو میں غیر ملکی کنسلٹنٹ نے تکنیکی امور کے حوالے سے شرکا کو بریفنگ دی اور پاکستانی بینکو ں کے نمائدگان نے چینی کمپنیوں کو معاشی امور کے حوالے سے بریفنگ دی ۔

موضوعات:شہباز شریف