نئی دہلی(مانیٹرنگ ڈیسک) چینی حکومت نے طویل فاصلے پر مار کرنیوالیایٹمی میزائلوں کی تیاری میں پاکستان کی مدد کرنیکا فیصلہ کیا ہے۔ چینی میڈیا کے مطابق حکومت نے فیصلہ کیا ہے کہ اگر بھارت نے طویل فاصلے پر مار کرنے والیایٹمی میزائلوں کی تعداد میں اضافہ کیا تو وہ ایسے میزائل بنانے میں پاکستان کی مدد کریگی اور یہ فیصلہ بھارتکی جانب سے پیر کو اگنی فور انٹر کانٹی نینٹل میزائل کے تجربے کے بعد کیا گیا ہے۔ چینی حکومت کے زیر انتظام چلنے والے گلوبل ٹائمز کے اداریے میں کہا گیا ہے کہ اگر اقوام متحدہ کیسیکیورٹیکونسل کو بھارتی میزائل پر اعتراض نہیں ہے تو پاکستانی نیوکلیئر میزائلز کی رینج میں بھی اضافہ کیا جائے گا۔

گلوبل ٹائمز کا مزید کہنا ہے کہ پاکستان کو بھی بھارت جیسے نیوکلیئر ذرائع ملنے چاہئیں۔’’اگر مغربی ممالک بھارت کو ایٹمی ملک قبول کرتے ہیں اور پاکستان اور بھارت کے درمیان ایٹمی دوڑ میں لاتعلق ہیں تو چین اس پر خاموش نہیں رہے گا ‘‘۔ ایسے وقت میں پاکستان کو بھی ایٹمی ترقی کیلئے وہی فوائد ملنے چاہئیں جو بھارت کو حاصل ہیں۔ اداریے میں مزید کہا گیا ہے کہ بھارت نے ایٹمی ہتھیار اور طویل فاصلے پر مار کرنے والے نیوکلیئر میزائل تیار کر کے اقوام متحدہ کی حدود کو پامال کیا ہے۔

موضوعات:پاک چین میزائل