نئی دہلی(این این آئی)بھارت نے پاکستان، بنگلہ دیش اور افغانستان سے آنے والے ہندوسمیت دیگر اقلیتوں کے افراد کو اپنی شہریت دینے میں آسانیاں پیدا کرنے کے لیے رجسٹریشن فیس میں کمی کردی ہیے۔بھارتی اخبار کے مطابق رجسٹریشن فیس کو 15 ہزار روپے سے کم کر کے ایک سو روپے کردیا گیا ہے۔

وزارت داخلہ سے جاری اعلامیے میں کہا گیا ہے کہ یہ نیا قانون پاکستان، بنگلہ دیش اور افغانستان سے آنے والی اقلیتی برادریوں پر لاگو ہوگا۔قانون میں تبدیلی سے ہمسایہ ممالک سے منتقل ہونے والے اقلیتی اراکین کو ہندوستانی حکومت کے اہلکاروں کے سامنے انڈین شہری کی حیثیت سے تابعداری کا حلف اٹھانے کو ممکن بنائیگا۔

دیگر ممالک سے آنے والے اقلیتی اراکین کو انڈیا میں رجسٹریشن کے لیے 10 ہزار ہندوستانی روپے اور دیگر جگہوں میں رجسٹریشن کے لیے 15 ہزار روپے فیس ادا کرنی ہوگی۔مزید کہا گیا ہے کہ 2009 کے شہریت کے قانون کی شقوں میں ترمیم کرکے نئی تبدیلیاں متعارف کرادی گئی ہیں۔

موضوعات:افغانستان بھارت