جازان(این این آئی)سعودی عرب کے شہر جازان میں موسلادھار بارش،کئی علاقوں میں بجلی معطل، بارش کی وجہ سے طریق الساحل عارضی طور پر بند ،سیلابی ریلا طائف کی طرف بڑھنے لگا،سعودی عرب کے شہر جازان میں موسلادھار بارش کے باعث کئی علاقوں میں بجلی کی فراہمی معطل ہوگئی، وادی لیث میں سیلابی ریلے کے خطرے کے باعث رہائشیوں کو محتاط رہنے کی ہدایت کردی گئی۔

سعودی میڈیا کے مطابق جازان ہائی وے پر بارش کے باعث ٹریفک کی روانی متاثر ہوئی، محکمہ شہری دفاع کے مطابق بارش کی وجہ سے طریق الساحل عارضی طور پر بند کردیا گیا ۔طائف میں سیلابی ریلا وادی کی طرف بڑھ رہاہے، وادی لیث میں بھی سیلابی ریلے کا خطرہ ہے جس کی وجہ سے رہائشیوں کو احتیاط کی ہدایت کردی گئی ہے جبکہ کئی علاقوں میں بجلی کی فراہمی بھی معطل ہوگئی۔

موضوعات:جازان سعودی عرب موسلادھار بارش