کراچی(این این آئی)وزن کم کرنے کے لیے سوجی ایک بہترین غذا ہے کیونکہ اس میں آٹے اور چاول کی طاقت موجود ہے۔ سوجی ڈائٹنگ کرنے والے افراد کے لیے بے حد مفید ہے یہ انسانی جسم میں روٹی اور چاول کی کمی کو پورا کرتی ہے۔ اگر اس کا باقاعدگی اور مناسب طریقے سے استعمال کیا جائے تو سو فیصد وزن میں کمی نظر آتی ہے۔

بھارتی میڈیا رپورٹس کے مطابق سوجی کا استعمال بھارت میں بہت زیادہ کیا جاتا ہے اور خاص کر جنوبی بھارت کے رہائشی ناشتے اور ڈیسرٹ میں باقاعدگی سے سوجی سے بنی ڈیشز کا استعمال کرتے ہیں۔اپما اور ڈوسا(Upma and Dosa) وہ خاص ڈششز ہیں جو جنوبی بھارت میں بے حد پسند کی جاتی ہیں، یہ خالص سوجی سے بنائی جاتی ہیں اور انہیں ناشتے میں کھایا جاتا ہے۔ دوسری جانب ڈیسرٹ میں سوجی کا حلوہ بھارتیوں کا پسندیدہ ہے۔ہمارے ہاں بھی سوجی کا استعمال کافی چیزوں میں ہوتا ہے جن میں پن کیک، کیک، سوجی کا حلوہ، پاستا، دلیہ اور دیگر ڈششز شامل ہیں۔ سوجی سے تیار کردہ ڈیشز نہایت خوش ذائقہ ہوتی ہیں اس کے علاوہ سوجی کے بے شمار فوائد میں شامل یہ ہے کہ سوجی میدے کے لیے بہت ہلکی ہوتی ہے جس کے کھانے کے بعد بھاری پن کا احساس نہیں ہوتا، آسانی سے ہضم ہوجاتی ہے اور اس کا سب سے بڑا فائدہ وزن میں کمی کرنا ہے۔ماہرین کے مطابق سوجی میں کاربوہائیڈریٹ شامل ہے جو انسانی جسم میں توانائی کو فروغ دینے میں مدد کرتا ہے۔سوجی ایک آئرن سے بھرپور غذا ہے جو جسم میں آئرن کی کمی کو ہونے سے روکتاہے اور خون کی گردش کو بہتر کرنے میں مدد دیتا ہے۔یوایس ڈی اے کی رپورٹ کے مطابق 100 گرام سوجی میں 1 اعشاریہ23 ملی گرام آئرن موجود ہوتا ہے۔

کیلشیم کا سوجی میں موجود ہوناہڈیوں کو مضبوط کرتا ہے۔ یوایس ڈی اے کے مطابق 100 گرام سوجی میں 17 ملی گرام کیلشیم کی مقدار ہے۔ماہرین کے مطابق سوجی اعصابی نظام کی صحت کو برقرار رکھنے کا کام بھی کرتی ہے کیونکہ اس میں میگنیشیم، زنک اور فاسفورس موجود ہے۔ یوایس ڈی اے کی رپورٹ کے مطابق سوجی میں میگنیشیم47 ملی گرام، زنک 1 اعشاریہ 05 گرام اور فاسفورس136ملی گرام پایا جاتا ہے۔یو ایس ڈی اے کی رپورٹ کے مطابق سوجی میں زیرو کولیسٹرول شامل ہے(یعنی اس میں کولیسٹرول بالکل بھی شامل نہیں ہے)جس کے سبب اس کا شمار ایک بہترین غذائی اجزا میں ہوتا ہے۔

موضوعات:سوجی