اسلام آباد (مانیٹرنگ ڈیسک) معروف گلوکارہ رابی پیرزادہ نے وزیراعظم عمران خان کو غربت ختم کرنے کا مشورہ دیتے ہوئے انہیں یاد دلایا کہ انہیں علم ہونا چاہئے کہ پاکستانی عوام بھکاری نہیں۔نجی ٹی وی کے مطابق لنگرخانہ کھولنے کے بعد رابی پیرزادہ نے اپنے مشورے میں کہا کہ خان صاحب بہت اچھا کام ہے بھوکے کو روٹی

کھلانا لیکن اگر لنگر پرمفت روٹیاں توڑنے کے بجائے آپ اسی لنگر پر نوکری کرواتے تو لوگ محنت کر کے کھانا سیکھتے۔انہوں نے وزیراعظم کو مخاطب کرتے ہوئے کہا کہ آپ سمجھنے کی کوشش کریں عوام بھکاری نہیں، وہ کام کرنا چاہتے ہیں، یہاں بہت بے روزگاری ہے۔ سوشل میڈیا پر ان کے مشورے کو بہت پسند کیا گیا ہے ۔

موضوعات:رابی پیرزادہ