لاہور(این این آئی )پاکستان کے خوبصورت اداکار فواد خان کی شہرت سرحد پار بھی بے شمار ہے اور وہ کئی بالی ووڈ میں بھی اپنی اداکاری جلوے دکھا چکے ہیں جس میں سب سے معروف فلم ان کی ’’ خوبصورت ‘‘ رہی ۔فواد خان نے صدف خان کے ساتھ2005میں محبت کی شادی کی۔

اور ان کے اب دو بچے ہیں ایک بیٹا اور ایک بیٹی تاہم اتنا عرصہ گزر جانے کے بعد بھی دونوں کی محبت میں کمی نہیں آئی بلکہ وقت گزرنے کے ساتھ رشتہ مزید مضبوط اور محبت بڑھتی ہی جارہی ہے ۔فواد خان اکثر اوقات اپنی اہلیہ کے ساتھ محبت کا اعتراف کرتے رہتے ہیں تاہم اب ان کی سوشل میڈیا پر ایک ویڈیو وائرل ہو رہی ہے جسے دیکھ کر ہر کوئی عش عش کر اٹھا ہے ۔ویڈیو میں دیکھا جا سکتاہے کہ فواد خان اپنی اہلیہ صدف سے گفتگو میں مصروف ہیں اور اس کے ساتھ ہیں وہ صدف کے بال بھی ٹھیک کر رہی ہیں ، صدف نے لال رنگ کا جوڑا پہن رکھا ہے جبکہ اداکار نے سفید رنگ کی شیروانی زیب تن کی ہے ۔دونوں دنیا سے بے خبر ایک دوسرے سے بات چیت کر رہے ہیں اور عین اسی موقع پر ان کی یہ ویڈیو بھی بنا لی گئی جب فواد خان اپنی بیوی کے بالوں کو درست کر رہے تھے ۔’’ شوبز نیوز‘‘ نامی ٹویٹر پیج پر یہ ویڈیو شیئر کی گئی ہے اور اس کے ساتھ لکھا گیاہے کہ یہ ویڈیودراصل فواد خان کی بہن کی شادی کے موقع پر بنائی گئی تھی ۔

موضوعات:فواد خان