ممبئی (این این آئی) معروف بھارتی کامیڈین کپل شرما نے اپنی شادی کی تقریبات یو ٹیوب پر لائیو دکھانے کا فیصلہ کیا ہے۔ میڈیا رپورٹ کے مطابق بالی ووڈ میں ویرات کوہلی ، انوشکا شرما اور دپیکا پڈوکون اور رنویر سنگھ نے اپنی شادی نہ صرف ملک سے باہرکی بلکہ میڈیا کو بھی اس سے دور رکھنے کی کوشش کی لیکن اب معروف بھارتی کامیڈین کپل شرما نے اپنی شادی کو

دنیا بھر میں لائیو دکھانے کا فیصلہ کیا ہے۔میڈیا رپورٹس کے مطابق یوٹیوب پر کپل شرما کے آفیشل چینل کی جانب سے ایک ویڈیو جاری کی ہے جس میں کہا گیا ہے کہ جنہیں کپل شرما کی شادی کا دعوت نامہ موصول نہیں ہوا وہ اب پریشان نہ ہوں کیوں کہ اب کپل کی شادی اور اس سے قبل ہونیوالی تقریب کو بھی گھر بیٹھے یوٹیوب پر لائیو اسٹریمنگ کے ذریعے دیکھا جاسکے گا۔

موضوعات:کپل شرما