لاہور (آن لائن) رواں کاروباری ہفتے کے دوسرے روز صوبائی دارالحکومت لاہور کی صرافہ مارکیٹوں اور بازاروں میں خالص سونے کی قیمت میں 600 روپے فی تولہ اضافہ دیکھنے میں آیا۔ جس کے بعد شہر کی صرافہ مارکیٹوں اور بازاروں میں خالص سونے کی قیمت ایک لاکھ 12ہزار 5 سو روپے تولہ جبکہ 22 قیراط سونے کی قیمت 1 لاکھ 2 ہزار 850 روپے

فی تولہ کی سطح پر دیکھنے میں آئی۔ شہر کی صرافہ مارکیٹوں میں سونے کی قیمت میں مسلسل اضافہ کی وجہ سونے کی عالمی مارکیٹ میں سونے کی قیمت فی اونس اضافہ بتائی گئی ہے۔ جس کے مطابق سونے کی عالمی مارکیٹ میں منگل کے روز آٹھ ڈالر فی اونس اضافے کے بعد سونے کی قیمت 1 ہزار 225 ڈالر فی اونس کی سطح پر پہنچ گئی۔

موضوعات:سونا