لاہور( این این آئی )قومی ائیر لائن کی ٹکٹوں کی فروخت میں مبینہ کرپشن کا انکشاف ہوا ہے جس کی باضابطہ تحقیقات بھی شروع کر دی گئیں ۔ بتایا گیا ہے کہ پی آئی اے نے خصوصی پروازوں پر پرانی ٹکٹیں منسوخ کی تھی تاہم عملے نے پرانی ٹکٹ پر ہی مسافروں کو ٹورنٹو بھجوادیا ،خصوصی پروازوں پر لاہور سے ٹورانٹوکا کرایہ 2 لاکھ 75 ہزار سے زائد ہے، ٹورانٹو کیلئے عام پرواز پر

ٹکٹ کی قیمت تقریباً دو لاکھ روپے تھی،پی آئی اے کے عملے نے مبینہ طور پر ملی بھگت سے پرانی ٹکٹوںکو اپ گریڈ کر کے مسافروں کو روانہ کیا ۔بتایا گیا ہے کہ پی آئی اے کے متعلقہ ونگز نے انکوائری شرو ع کر دی ہے ۔ابتدائی انکوائری پی آئی اے عملے نے اکانومی ٹکٹ کے باوجود مسافروں کو مہنگی سیٹوں پر سفر کی اجازت دی ۔ پی آئی اے ترجمان کے مطابق معاملہ علم میں ہے اور اس کی چھان بین جاری ہے ۔

موضوعات:قومی ائیر لائن کی ٹکٹوں