لاہور( این این آئی )وفاقی وزیر پیٹرولیم غلام سرور خان نے کہاہے کہ حکومت نے ملک میں پٹرولیم مصنوعات کی بڑھتی ہوئی طلب پوری کرنے کیلئے تیل اورگیس کی تلاش بڑھانے کافیصلہ کیاہے۔ایک انٹر ویو میں گفتگو کرتے ہوئے انہوں نے کہاکہ نیلام عام کے ذریعے تیل اور گیس والے مختلف علاقوں میں دس نئے لائسنس جاری کئے

جائیں گے جس کے نتیجے میں تیل اور گیس کی تلاش کی سرگرمیوں میں اضافہ ہوگا۔خام اور تیارپٹرولیم مصنوعات کی مقامی پیداواربہتربنانے کے لئے بھی کوششیں کی جائیں گی۔انہوں نے کہاکہ حکومت نے صوبوں کو وزارت پٹرولیم کے ماتحت کام کرنے والی 15کمپنیوں کے سابق بورڈآف ڈائریکٹرزمیں مناسب نمائندگی دینے کافیصلہ کیاہے۔

موضوعات:وزیر پیٹرولیم