اسلام آباد(ویب ڈیسک) پاکستان کے علاوہ ایسے ممالک جہاں کی کرنسی روپیہ ہے وہاں ہر اس کی قدر ڈالر کے مقابلے میں مختلف ہے۔ آئیے پڑھتے ہیں کہ کن ممالک میں روپیہ زیر گردش ہے۔ پاکستان کے قیام کے بعد 1948ء میں پاکستانی کرنسی بننا شروع ہو گئی تھی۔ تاہم آزادی کے وقت پاکستان نے دورِ برطانیہ کے نوٹ اور سکے ہی

استعمال کیے لیکن صرف ان پر پاکستان کی مہر لگا دی گئی تھی۔ پاکستانی کرنسی پر قائدِ اعظم محمد علی جناح کی تصویر چھپی ہوتی ہے۔ روپیہ سنسکرت کے لفظ روپيكم سے نکلا ہے جس کا مطلب ہے چاندی کا سکہ۔ روپے کی تاریخ صدیوں پرانی ہے۔ برصغیر کی تقسیم سے قبل انگریز حکومت کے روپیہ کے علاوہ کئی ریاستوں کی اپنی کرنسیاں بھی تھیں۔ لیکن 1947ء میں آزادی حاصل کرنے کے بعد روپے کو پورے ملک میں بطور کرنسی لاگو کر دیا گیا۔ سری لنکا کی کرنسی کا نام بھی روپیہ ہی ہے۔ 1825ء میں برطانوی پاؤنڈ سری لنکا کی سرکاری کرنسی بنا۔ اس سے پہلے وہاں سيلونيج ركسڈلر نام کی کرنسی چلتی تھی۔ انگریز دور میں کئی دہائیوں تک برطانوی پاؤنڈ سری لنکا کی کرنسی بنا رہا جسے اس وقت سیلون کہا جاتا تھا۔ لیکن یکم جنوری 1872ء کو وہاں روپیہ سرکاری کرنسی کے طور پر اپنایا گیا۔ بھارت کے پڑوسی ملک نیپال کی کرنسی کا نام بھی روپیہ ہے جو 1932ء سے زیر استعمال ہے۔ اس سے پہلے وہاں چاندی کے سکے چلتے تھے۔ نیپال میں سب سے بڑا نوٹ ایک ہزار روپے کا ہوتا ہے۔ ماریشس میں پہلی بار 1877ء میں نوٹ چھاپے گئے تھے۔ شروع میں وہاں پانچ، دس اور 50 روپے کے نوٹ چھاپے گئے۔ تاہم 1919ء سے ایک روپے کے نوٹ بھی چھاپے جانے لگے۔ ماریشس میں بڑی تعداد میں ہندوستانی نژاد لوگ آباد ہیں۔ اسی لیے کسی بھی نوٹ پر اس کی قیمت بھوجپوری اور تامل زبان میں بھی درج ہوتی ہے۔

انڈونیشیا کی کرنسی رُپياه ہے جس کا اصل روپیہ ہی ہے۔ ڈالر کے مقابلے کم قدر ہونے کی وجہ سے انڈونیشیا میں بڑی مالیت کے نوٹ چھاپے جاتے ہیں۔ وہاں سب سے بڑا نوٹ ایک لاکھ رپياه کا ہے بحر ہند کے ایک جزیرے پر مشتمل ملک سیشیلز کی کرنسی بھی روپیہ ہی ہے۔

وہاں سب سے پہلے روپے کے نوٹ اور سکے 1914ء میں چھاپے گئے تھے۔ سیشیلز بھی پہلے برطانوی سلطنت کے تابع تھا۔ 1976ء میں اسے آزادی ملی۔ سمندر میں بسا یہ ملک اپنی خوبصورتی کی وجہ سے دنیا بھر کے سیاحوں کو اپنی طرف کھینچتا ہے۔

موضوعات:روپیہ