لندن (نیوز ڈیسک) انگلش کرکٹر معین علی نے کہا ہے کہ وہ ایشز سیریز میں روزے ترک نہیں کریں گے اور روزے کی حالت میں ہی میچ کھیلیں گے۔ معین علی انگلش ٹیم میں شامل واحد مسلمان کھلاڑی ہیں۔ معین علی انگلینڈ کے ایشز سکواڈ میں شامل ہیں، ایسے میں امکان ظاہر کیا جارہا تھا کہ وہ روزے ترک کریں گے۔ معین علی کا کہنا تھا کہ انہوں نے حالیہ ٹی ٹوینٹی ایونٹ کے میچز بھی روزے کی حالت میں کھیلے ہیں اور اب ٹیسٹ سیریز بھی وہ ایسے ہی کھیلیں گے۔ معین علی اسلامی رجحان رکھنے والے کھلاڑی ہیں اور وہ کہہ چکے ہیں کہ اگر ان کے عمل سے متاثر ہوکے کسی ایک شخص کی بھی زندگی بدل جائے تو وہ اسے اپنی کامیابی سمجھیں گے ۔