کرمانوالہ (این این آئی) پاکستان پیپلز پارٹی کے چیئرمین بلاول بھٹو زرداری کی مارچ میں سنٹرل پنجاب کی مصروفیت کا شیڈول جاری کرتے ہوئے پاکستان پیپلز پارٹی پنجاب کے جنرل سیکریٹری چوہدری منظور احمد نے بتایا کہ(آج) 02 مارچ کو چئیر مین بلاول بھٹو زرداری پریس کلب لاہور میں میٹ دی پریس میں شرکت کریں گے۔03  مارچ کوسیکریٹریز اطلاعات اور سوشل میڈیا ایکٹویٹس سے ملاقاتیں کریں گے۔

چیئرمین بلاول بھٹو زرداری 05 مارچ کو لاہور میں خواتین کنونشن سے خطاب بھی کریں گے۔چوہدری منظور احمد نے بتایا چیئرمین بلاول بھٹو زرداری11مارچ ساہیوال ڈویژن کا دورہ ضلع اوکاڑہ سے شروع کریں گے اس سلسلہ میں ورکرز کنونشن اور ڈسٹرکٹ بار سے خطاب  کے علاوہ میڈیا سے ملاقات کریں گے۔چیئرمین بلاول بھٹو زرداری 12مارچ کو ضلع پاکپتن میں ورکر زکنونشن اوربار سے بھی خطاب کریں گے۔چیئرمین بلاول بھٹو زرداری 12  مارچ کی رات ساہیوال پہنچیں گے۔ چوہدری منظور احمد کے مطابق چیئرمین بلاول بھٹو 13 مارچ کو ساہیوال شہر کا دورہ کریں گے اسکے علاوہ ورکرز کنونشن اور ساہیوال بار سے خطاب بھی کریں گے۔پاکستان پیپلز پارٹی کے چیئرمین بلاول بھٹو زرداری کی اوکاڑہ آمد کے اعلان کے بعد پارٹی کارکنوں اور جیالوں میں خوشی کی لہر دوڑ اٹھی کارکنوں نے چیئرمین بلاول بھٹو کے استقبال کی تیاریاں اور عوامی رابطہ مہم شروع کردی، میڈیا سے گفتگو کرتے ہوئے ایک جیالے ملک احسان نے بتایا کہ ہم بلاول بھٹو زرداری کی قیادت میں اوکاڑہ کو دوبارہ پیپلز پارٹی کا لاڑکانہ بنائیں گے۔بلاول بھٹو زرداری کے استقبال اور پارٹی کنونشن کے سلسلہ میں ضلعی عہدیداروں کا ایک اجلاس آج شام ضلعی صدر چوہدری سجاد الحسن کی رہائشگاہ پر ہو گا۔‎

موضوعات:بلاول بھٹو زرداری