کراچی(این این آئی) قومی ایئرلائن(پی آئی اے)نے پاکستان سے لندن جانے والے مسافروں کو بڑی خوش خبری سنادی،پاکستان سے لندن جانے والے مسافروں کو پی آئی اے کی جانب سے ٹکٹ پر خصوصی رعایت دی جائے گی۔پی آئی اے نے لندن جانے والی تمام پروازوں کے ٹکٹ پر 10 فیصد رعایت دینے کا اعلان کیا۔ قومی ایئرلائن کے ترجمان کے مطابق خصوصی رعایت تمام کلاسز پر دی جائے گی۔

قومی ایئرلائن کی جانب سے لندن جانے والے مسافروں کو 15 مارچ تک یہ رعایت دی جائے گی، بعد ازاں پی آئی اے کی انتظامیہ اس اسکیم کو جاری رکھنے یا نہ رکھنے کا فیصلہ کرے گی۔یاد رہے کہ پی آئی اے کی جانب سے پاکستان کے مختلف شہروں سے برطانیہ کے تین بڑے شہروں لندن، مانچسٹر، برمنگھم، کے لیے پروازیں فراہم کی جاتی ہیں۔ قومی ایئرلائن کے ہر مسافر کو 45 گلوگرام تک وزن کی اجازت دی جاتی ہے۔

موضوعات:پی آئی اے قومی ایئرلائن