اسلام آباد(مانیٹرنگ ڈیسک)وزیر اعظم عمران خان نے اسد عمر کو چیئرمین قائمہ کمیٹی خزانہ بنانے کی منظوری دیدی ، نجی ٹی وی دنیا نیوز کے مطابق وزیر اعظم عمران خان نے چیف وہپ عامر ڈوگر کو اس حوالے سے ہدایات جاری کردی ہیں ۔دوسری جانب وزیراعظم عمران خان سے ملاقات کے بعد میڈیا سے بات چیت کرتے ہوئے اسد عمر نے کہا  وزیر اعظم سے ہونے والی ملاقات میں سیاسی امور پر

تبادلہ خیال کیا گیا۔ ایک سوال پر ان کا کہنا تھا کہ وزیراعظم کی جانب سے ان کیلئے وزارت کی پیشکش موجود ہے جو انہیں اس وقت کی گئی تھی جب انہوں نے وزیر خزانہ کے عہدے سے ہٹایا گیا تھا۔اسد عمر کا کہنا تھا کہ میرا وفاقی کابینہ میں شامل ہونے کا کوئی ارادہ نہیں ہے، رمضان کا مہینہ ہے جس میں وزارت کے حصول پر توجہ دینے کے بجائے اپنی عبادات پر توجہ دینا چاہتا ہوں۔

موضوعات:اسد عمر