لندن (این این آئی)پاکستان کی پہلی اوپرا سنگر سائرہ پیٹر نے خواجہ خورشید انور کی دھن ‘ ونجلی والڑیا ‘ کو نئے انداز میں گا کر ریلیز کردیا۔پاکستان کی پہلی اوپرا سنگر سائرہ پیٹر نے نامور موسیقار خواجہ خورشید انور اور ملکہ ترنم نورجہاں کو شان دار ٹرہبوٹ پیش کرتے ہوئے ماضی کی دل چھولینے والی موسیقی کی یادیں تازہ کردیں۔ سائرہ پیٹر نے پاکستانی فلمی موسیقی کو زندہ کرنے کا عزم کیا ہے۔اس سلسلے میں انہوں نے پہلے روبن گھوش کو

زبردست خراج عقیدت پیش کیا اور اب خواجہ خورشید انور کے سپر ہٹ گیت ونجلی والڑیا، اپنی آواز میں گا کر 70کے فلمی دور کی حسین یادوں کو تازہ کردیا۔ یہ نغمہ مشہور فلم ہیررانجھا میں ماضی کی سپر اسٹار فردوس اور اعجاز پر فلمایا گیا تھا۔سائرہ پیٹر نے لندن نجی ٹی وی گفتگو کرتے ہوئے بتایا کہ مجھے پاکستانی فلمی موسیقی سے بہت زیادہ لگاؤ ہے۔اسی لیے اپنے عظیم موسیقار وں کو خراج تحسین پیش کررہی ہوں، جلد پاکستان آکر نئے سال کا نیا البم ریلیز کروں گی۔

موضوعات:سائرہ پیٹر