ابوجہ(این این آئی) افریقی ملک نائجیریا میں جہادی تنظیم بوکو حرام کے ایک حملے میں کم از کم ساٹھ افراد ہلاک ہو گئے ،ایک الگ حملے میں عسکریت پسندوں کے ایک حملے میں آٹھ سرکاری فوجی مارے گئے ،غیرملکی خبررساں دارے کے مطابق انسانی حقوق کی عالمی تنظیم ایمنسٹی انٹرنیشنل نے ہفتہ کو جاری ایک بیان میں کہاکہ افریقی ملک نائیجیریا میں جہادی تنظیم بوکو حرام کے ایک حملے

میں کم از کم ساٹھ افراد ہلاک ہو گئے ۔بیان میں بتایا گیا کہ عسکریت پسندوں نے یہ حملہ ملک کے شمال مشرقی علاقے رن میں چند روز قبل کیا گیا ۔دوروزقبل بھی اسی علاقے میں عسکریت پسندوں کے ایک حملے میں آٹھ سرکاری فوجی مارے گئے ، نائجیریا کے شمال مشرقی علاقوں میں حکومتی دستوں اور عسکریت پسندوں کے مابین جھڑپوں کی وجہ سے تقریبا تیس ہزار افراد بے گھر ہو چکے ہیں۔

موضوعات:ایمنسٹی انٹرنیشنل