اسلام آباد (مانیٹرنگ ڈیسک)فلیگ شپ ریفرنس میں پیشی کے سلسلے میں نوازشریف آج صبح احتساب عدالت میں پیش ہوئے ۔اس موقع پر لیگی کارکنان بڑی تعداد میں نوازشریف کا استقبال کرنے کیلئے موجود تھے نجی ٹی وی  کے مطابق نوازشریف احتساب عدالت پہنچے تو وہاں خواتین اور مرد کارکنان بڑی تعداد میں ان کا انتظار کر رہے تھے جبکہ اس موقع پر نوازشریف بھی کافی خوشگوار موڈ میں تھے ۔

انہوں نے اپنے ہاتھوں میں گلاب کے پھول بھی تھام رکھے تھے جو کہ انہوں نے وہاں موجود خواتین کارکناں کو دیئے ۔خواتین کارکنان نوازشریف کی جانب سے پھول ملنے پر نہایت خوش ہوئیں تاہم ان میں سے ایک خاتون کارکن کا نام بھی سامنے آ گیا ہے ۔ ایک خاتون کی شناخت نورین مسعود گیلانی کے نام سے ہوئی ہے اور وہ ہاتھ میں پھول تھامے کرسی پر احتساب عدالت کے باہر بیٹھی ہیں ۔

موضوعات:نوازشریف