اسلام آباد(مانیٹرنگ ڈیسک)کافی عرصے سے غائب  مریم نواز بالآخر منظر عام پر آگئیں ۔میڈیا رپورٹس کے مطابق انہوں نے ایک شادی کی تقریب میں شرکت کی ہے جہاں سے ان کی ایک انتہائی خوبصورت تصویر سامنے آ گئی ہے جو کہ سوشل میڈیا پر تیزی کے ساتھ وائرل ہو رہی ہے ۔یہ تصویر دراصل انسٹاگرام پر ” ڈیکور بائے احسان “ کی جانب سے جاری کی گئی ہے جس میں مریم نواز کے ہمراہ ان کی دادی

بیگم شمیم اختر بھی ویل چیئر پر موجود ہیں ۔ تصویر میں مریم نواز کے چہرے پر اطمینان اور خوشی دکھائی دے رہی ہے ۔انسٹاگرام پر فراہم کی گئی معلومات کے مطابق مریم نواز اپنی فیملی کے ہمراہ خاندان کی کسی شادی کی تقریب میں شریک ہیں تاہم ابھی تک یہ معلوم نہیں ہو سکا وہ شادی کی تقریب کس کی ہے؟واضح رہے کہ اڈیالہ جیل سے رہا ہونے کے بعد مریم نواز میڈیا کے سامنے نہیں آئیں۔

موضوعات:مریم نواز