کابل(انٹرنیشنل ڈیسک ) افغان صوبے غزنی میں اتحادی افواج کی جانب سے طالبان کے ٹھکانوں پر ہونے والی تازہ بمباری میں 8 طالبان ہلاک اور 12 سے زائد زخمی ہوگئے۔ اتوار کو نیٹو افواج کی جانب سے جاری کئے گئے ایک بیان میں بتایا گیا ہے کہ اس کارروائی کے دوران لنڈا خیل گاوں میں طالبان کے ٹھکانوں کو

نشانہ بنایا گیا ہے۔ گذشتہ چند ماہ سے افغان سکیورٹی فورسسز نے اتحادی افواج کی مدد سے طالبان کے خلاف کارروائیوں کو نہایت تیز کردیا ہے۔ یہ اقدامات 20 اکتوبر کو ہونے والے انتخابات کو پرامن رکھنے کے تناظر میں کئے جارے ہیں۔ طالبان کی جانب سے حملے کے حوالے سے کوئی بیان جاری نہیں کیا گیا۔

موضوعات:افغانستان