اسلام آباد (نیوز ڈیسک)پاکستان مسلم لیگ (ن) کے رہنما خواجہ سعد رفیق نے حفاظتی ضمانت کیلئے درخواست دائر کردی۔ ۔میڈیا رپورٹ کے مطابق خواجہ سعد رفیق نے گرفتاری سے بچنے کیلئے اسلام آباد ہائیکورٹ میں درخواست دائر کردی جس میں مؤقف اپنایا گیا کہ نیب نے 20 مارچ کو پیراگون سٹی کی تفتیش میں طلبی کے نوٹس جاری کیے، نوٹس کے جواب میں 28 مارچ کو تحریری جواب اور متعلقہ دستاویزات جمع کرائیں، تفتیش کے طویل سیشن کے بعد نیب نے مزید دستاویزات جمع کرانے کی ہدایت کی،

نیب کی ہدایت پر 5 اپریل کو مزید دستاویزات بھی جمع کرائیں۔درخواست میں کہا گیاکہ میں کبھی بھی پیراگون سٹی کا ڈائریکٹر یا شئیر ہولڈر نہیں رہا، وارنٹ گرفتاری جاری ہونے کی صورت میں دو ہفتے کا وقت دیا جائے ، عدالت نیب کو میرے خلاف تمام انکوائریز سے متعلق مطلع اور دو ہفتے تک مجھے گرفتار نہ کرنے کا حکم دے۔واضح رہیکہ نیب نے آشیانہ اقبال ہاؤسنگ اسکیم کیس میں سابق وزیراعلیٰ پنجاب شہبازشریف کو گرفتار کیا ہے جس جسمانی ریمانڈ پر نیب کی تحویل میں ہیں۔

موضوعات:پیراگون ہائوسنگ سکینڈل سعد رفیق سلمان رفیق نیب