اسلام آباد،واشنگٹن(آن لائن)وزیر خارجہ شاہ محمود قریشی نے امریکہ میں بھی کفایت شعاری مہم کو پلو سے باندھے رکھااور واشنگٹن سے نیویارک تک ٹرین کے زریعے سفر کیا۔تفصیلات کے مطابق وزیر خارجہ شاہ محمود قریشی ایشین کانفرنس میں شرکت کے لئے ہوائی جہاز کی بجائے ٹرین پر گئے اور ٹرین میں سفر کے دوران شاہ محمود قریشی امریکہ میں پاکستانی سفیر جہانگیر صدیقی اور اقوام متحدہ میں پاکستانی مستقل

مندوب ملیحہ لودھی کے ساتھ میٹنگ بھی کرتے رہے ۔دریں اثناء اقوام متحدہ میں پاکستانی مستقل مندوب ملیحہ لودھی نے بتایا ہے کہ وزیر خارجہ شاہ محمود قریشی امریکہ کے دورے کے دوران 40سے زائد مختلف اجلاسوں میں شرکت کریں گے جہاں پر وہ نئی حکومت کی ترجیحات کے حوالے سے عالمی کمیونٹی کو آگاہ کریں گے ،اس کے علاوہ وہ ان اجلاسوں میں پاکستان کے امن کے حوالے سے کئے گئے اقدامات پر بھی آگاہ کریں گے۔

موضوعات:شاہ محمود قریشی