لاہور(آئی این پی )پاکستان پیپلز پارٹی کے مرکزی رہنما اعتزاز احسن نے سابق وزیراعظم نواز شریف کی رہائی پر ردعمل دیتے ہوئے کہا ہے کہ نواز شریف خوش قسمت ہیں اس لیے مبارکباد بھی دی جاسکتی ہے، ہائی کورٹ کے تحریری فیصلے کے بعد صورتحال واضع ہوگی ، یہ تاثر نہیں دیا جاسکتا کہ ہائیکورٹ کے ججزنے کسی دباؤ میں آکر فیصلہ دیا۔ وہ بدھ کو نجی ٹی وی سے گفتگو کے دوران سابق وزیراعظم نواز شریف کی رہائی پر ردعمل ظاہرکررہے تھے۔ انہوں نے کہا کہ عدالت کی طرف سے صرف ابھی ایک مختصر

فیصلہ آیا ہے ۔ ہائی کورٹ کے تحریری فیصلے کے بعد صورتحال واضع ہوگی۔ ہائی کورٹ کے ججزایمانداری سے قانون پر مکمل عملدرآمد کرتے ہیں۔ یہ تاثر نہیں دیا جاسکتا کہ ہائی کورٹ کے ججز نے کسی دباؤ میں فیصلہ دیا ہے۔ اعتزاز احسن نے کہا ہے کہ قانون کے تحت اگر اولاد کی جائیداد کی ٹریل نہ دیں تو وہ والد کی ہوگی۔ ہائی کورٹ کا تحریری فیصلہ آنے تک اس پر بحث کرنا ممکن نہیں ہے۔ نواز شریف خوش قسمت ہیں اس لیے مبارکباد بھی دی جاسکتی ہے۔ نیب نے ہائیکورٹ میں درخواست پر نااہلی کا ثبوت دیا۔

موضوعات:اعتزاز احسن