لاہور (آئی این پی) چیف جسٹس ثاقب نثار نے تعلیمی اداروں میں منشیات کے استعمال پر از خود نوٹس لیتے ہوئے سی پی او لاہور‘ اینٹی نارکوٹکس اور دیگر حکام کو ایک ہفتے میں جواب طلب کرنے کی ہدایت کردی۔ تفصیلات کے مطابق اتوار کو سپریم کورٹ لاہور رجسٹری میں تعلیمی اداروں میں منشیات کے استعمال پر سماعت ہوئی۔ چیف جسٹس نے تعلیمی اداروں میں منشیات کے استعمال پر از خود ن وٹس لیا۔

اس موقع پر سی پی او لاہور‘ اینٹی نارکوٹکس اور دیگر حکام کو ایک ہفتے میں جواب طلب کرنے کی ہدایت کی۔ چیف جسٹس نے کہا کہ تعلیمی اداروں میں طلباء کو منشیات باآسانی دستیاب ہے تعلیمی اداروں میں منشیات کے فروغ سے ہم اپنا مستقبل تبارہ کررہے ہیں۔ طلباء کو آئس و دیگر منشیات باآسانی میسر آنے کی شکایات موصول ہوئی ہیں۔ پاکستان کے روشن مستقبل کے لئے منشیات مافیا کو قابو کرنا ہوگا۔

موضوعات:چیف جسٹس ثاقب نثار