راولپنڈی (نیوز ڈیسک) سابق وزیراعظم میاں نواز شریف اور ان کی صاحبزادی مریم نواز نے لاہور میں استقبال نہ ہونے پر شہباز شریف اور ان کی ٹیم سے راستے الگ کر لیے، ذرائع کا کہنا ہے کہ دونوں نے لاہور میں استقبال نہ ہونے پر شہباز شریف اور ان کی ٹیم سے ذہنی طور پر علیحدگی اختیار کرلی ہے، سابق وزیراعظم شاہد خاقان عباسی سمیت خواجہ سعد رفیق، خواجہ آصف اور احسن اقبال جیسے بااعتماد ساتھیوں کا حالیہ کردار میاں نواز شریف کے لیے سوالیہ نشان ہے وہ اس بات کی امید رکھتے تھے یہ

لوگ ان کے استقبال کے لیے لاہور ائیرپورٹ پر ضرور پہنچیں گے مگر کوئی بھی ان کے استقبال کے لیے علامہ اقبال ائیرپورٹ لاہور پر نہ پہنچ سکا اور نہ ہی پاور شو دکھانے کے لیے اپنی قیادت کو قائل کر سکا، ذرائع کا اس حوالے سے کہنا ہے کہ میاں نواز شریف نے اپنی صاحبزادی کے داماد راحیل منیر، خرم دستگیر، چوہدری تنویر، مشاہد اللہ اور دیگر لوگوں کو روزمرہ کی اپ ڈیٹس کو بمعہ ثبوت دینے کا ٹاسک دیا ہے، میاں نواز شریف نے راحیل منیر سے چند منٹ کے لیے علیحدہ ملاقات بھی کی۔

موضوعات:راستے الگ