اسلام آباد(مانیٹرنگ ڈیسک)پاکستان کے معروف کالم نگار و تجزیہ کار جاوید چوہدری اپنے تازہ کالم میں لکھتے ہیں کہ عمران خان کے راستے کا سب سے بڑا کانٹا نواز شریف نکل گیا‘ یہ 13جولائی کو واپس آئیں گے اور یہ سیدھے جیل پہنچا دیئے جائیں گے‘ جو امیدوار نواز شریف کا استقبال کرے گا اس کے خلاف بھی مقدمہ درج ہو جائے گا یوں پاکستان مسلم لیگ ن اپنے تاحیات قائد کےبغیر کمپیئن کرے گی اور اس کے امیدوار کامیاب ہونے کے بعد کار سرکار میں مداخلت کے جرم میں ڈس کوالیفائی ہوتے رہیں گے‘

ن لیگ الیکشن میں مار کھا جائے گی‘یہ اب صاف نظر آ رہا ہے۔ عمران خان کے راستے کا دوسرا کانٹا آصف علی زرداری بھی نکلنا شروع ہوگیا‘ آصف علی زرداری اور فریال تالپور دونوں کے خلاف منی لانڈرنگ کا کیس کھل چکا ہے‘  یہ کیس اگر آگے چلا تو واقعی ”اگلی باری آصف علی زرداری“ ہو جائے گی‘ آصف علی زرداری اور فریال تالپور بھی الیکشن کمپیئن پر توجہ نہیں دے سکیں گے‘ یہ بھی عنقریب ”جے آئی ٹی“ میں پیش ہوتے ہوئے نظر آئیں گے چنانچہ عمران خان کےلئے پورا میدان کھل جائے گا۔

موضوعات:جاوید چوہدری