لاہور( این این آئی)عوامی مسلم لیگ کے سربراہ شیخ رشید احمد نے کہا ہے کہ اگر کم سیٹیں ملیں تو عمران خان کو وزیر اعظم بنوانے کیلئے تحریک انصاف اور پیپلز پارٹی کو ملوانے کی کوشش کروں گا ، آصف زرداری سے نہیں تو بلاول سے تو تعلقات ہیں اس سے بات کر سکتا ہوں ۔ ایک انٹر ویو میں شیخ رشید احمد نے کہا کہ میری کوشش تھی کہ پی ٹی آئی مذہبی قوتوں کو ساتھ ملائے اور 10سے 15نشستوں پر بات ہو سکتی تھی لیکن ایسا نہیں ہو سکا ۔

اگر ہنگ پارلیمنٹ بنی تو میری کوشش ہو گی کہ عمران خان کے واضح اعلان کے باوجود تحریک انصاف اور پیپلز پارٹی کو ملوائوںتاکہ عمران خان وزیر اعظم بن سکے ۔ انہوں نے اس سوال کہ آپ کے آصف علی زرداری سے متعلق رائے تلخ رہی ہے جس پر انہوں نے کہا کہ اگر نواز شریف اور آصف زرداری مل سکتے ہیں تو ہم نے آصف زرداری کے کسی بڑے کو مارا ہے ۔ میری آصف زرداری سے متعلق راء تبدیل نہیں ہوئی ،اگر میں زرداری سے نہیں تو بلاول سے تو بات کر سکتا ہوں ۔

موضوعات:شیخ رشید احمد عمران خان وزیر اعظم