لاہور(نیوز ڈیسک) مسلم لیگ (ن) کے مرکزی رہنما اور سابق وزیر اعظم شاہد خاقان عباسی نے کہا ہے کہ ہر حلقے میں شیر موجود ہے ،انشا اللہ انتخابات میں (ن) لیگ اور نواز شریف جیتے گا‘لاہور سے ایک سیٹ بھی کسی اور جماعت کو نہیں جائے گی ‘لاہور ہائیکورٹ کے فیصلے پر اللہ کا شکر ادا کرتا ہو ں‘ پوری امید ہے نوازشریف انتخابات سے قبل واپس آئیں گے۔لاہور میں میڈیا سے گفتگو کے دوران شاہد خاقان عباسی نے کہا کہ نواز شریف نے 100 سے زائد پیشیاں بھگتی ہیں پاکستان میں کوئی

سیاسی لیڈر نہیں جس نے اتنی پیشیاں بھگتی ہوں۔احتساب عدالت سے مجھے نوازشریف کے کیس میں انصاف کی توقع نہیں۔انہوں نے مزید کہا کہ میرے خلاف کوئی کیس نہیں تھا، الیکشن کمیشن کو ان باتوں کا نوٹس لینا چاہیے، الیکشن کمیشن کو ریٹرننگ افسران اور ایپلٹ ٹریبونل کے فیصلوں کا بھی نوٹس لینا چاہیے۔انہوں نے کہا کہ (ن) لیگ آج بھی پاکستان کی سب سے بڑی سیاسی اور عوامی جماعت ہے اور لاہور سمیت پورے پاکستان میں (ن) لیگ ہی کامیاب ہوکر ایک بار پھر حکومت بنائے گی۔

موضوعات:شاہد خاقان عباسی