لاہور (مانیٹرنگ ڈیسک) چوہدری نثار علی خان کی وزیراعلی پنجاب سے ملاقات ۔ خبر کی تفصیل کے مطابق سابق وزیر داخلہ چوہدری نثار علی خان نے وزیراعلیٰ پنجاب شہباز شریف سے ماڈل ٹائون ان کی رہائش گاہ 45منٹ کی طویل ملاقات کی ہے جس میں انہوں نے پارٹی سے متعلق تحفظات دورکرنے کی یقین دہانی کرائی ہے ۔ نجی ٹی وی کی رپورٹ کے مطابق چوہدری نثار علی خان نے شہباز شریف سے ملاقات میں اپنے تحفظاٹ سے آگاہ کیا ہے ۔

دونوں رہنمائوں نے ملکی سیاسی اور پارٹی امور سے متعلق بات چیت کی ہے ۔ وزیراعلی پنجاب شہباز شریف اورسابق وزیر داخلہ چوہدری نثار کی ملاقات تقریباً 45 منٹ جاری رہی۔ذرائع کا کہنا ہے کہ شہباز شریف نے چوہدری نثارکے تحفظات دور کرنے کی یقین دہانی کرائی اور کہا کہ انہیں پارٹی کے ساتھ چلتے رہنا چاہیے ۔ذرائع کے مطابق چوہدری نثار نے شہبا زشریف سے کہا ہے کہ وہ پاکستان مسلم لیگ ن کاحصہ ہیں اور ہمیشہ پارٹی کیلئے کام کرتے رہیں گے لیکن میرے کچھ تحفظات ہیں انہیں دور کیا جائے ۔

موضوعات:چوہدری نثار علی خان شہباز شریف