اسلام آباد (مانیٹرنگ ڈیسک)معروف صحافی حامد میر نے نجی ٹی وی پروگرام میں گفتگو کرتے ہوئے کہا کہ مجھے لاہور میں ایک سینئر صحافی نے بتایا کہ وزیر اعلیٰ پنجاب نے آرمی چیف سے ملاقات کی، میں نے ان سے کہا کہ جب تک ایسی خبر دونوں طرف سے کوئی ہمیں کنفرم نہ کرے ہم اس پر یقین نہیں کر سکتے۔آج یہ خبر چینلز پر بھی چلی اور سوشل میڈیا پر بھی آئی لیکن آئی ایس پی آر نے اس خبر کی تردید کر دی۔ خود میں نے شہباز شریف سے

رابطہ کیا تو انہوں نے بھی کوئی تصدیق نہیں کی۔حامد میر نے کہا کہ اگر یہ خبر گردش کر رہی ہے تو اس خبر کو کوئی بہت سوچے سمجھے منصوبے کے تحت فیڈ کر رہا ہے اور یہ تاثردینے کی کوشش کی جا رہی ہے کہ شہباز شریف کے ذریعے مسلم لیگ ن کا کوئی این آر او یا ڈیل ہو رہی ہے۔اسی لیے اس خبر کی انتہائی سخت الفاظ میں تردید کی گئی ہے تاکہ جو لوگ خبر فیڈ کر رہے ہیں اگر ان کا کوئی مقصد ہے تو وہ ناکام ہو جائے۔

موضوعات:حامد میر