اسلام آباد(مانیٹرنگ ڈیسک)توہین عدالت کیس ،وفاقی وزیر دانیال عزیزپر فرد جرم عائد کر دی گئی، دانیال عزیز کا صحت جرم سے انکار۔ تفصیلات کے مطابق توہین عدالت کیس میں وفاقی وزیر دانیال عزیز کے خلاف سپریم کورٹ نے فرد جرم عائد کر دی ہے۔ کیس کی سماعت کے دوران عدالت میں دانیال عزیز کو فرد جرم

پڑھ کر سنائی گئی۔دانیا ل عزیزنے فرد جرم عائد ہونے کے بعد صحت جرم سے انکار کر دیا۔ دانیال عزیز کے وکیل کا کہنا تھا کہ پڑھ کر سنائی گئی فرد جرم کی صحت سے میرے موکل انکار کرتے ہیں جس پر عدالت نے دانیال عزیز کو آئندہ سماعت پر شہادتیں پیش کرنے اور دلائل دینے کا حکم دیتے ہوئے سماعت ملتوی کر دی۔

موضوعات:توہین عدالت کیس دانیال عزیز سپریم کورٹ