نئی دہلی(این این آئی)بھارتی فاسٹ بولر محمد شامی کی اہلیہ نے سسرال والوں اور شوہر پر تشدد کا الزام لگاتے ہوئے کہا ہے کہ شامی نے مجھے جان سے مارنے کی بھی کوشش کی۔بھارتی میڈیا کے مطابق فاسٹ بولر محمد شامی پر ان کی اہلیہ حسین جہاں نے سنگین الزامات عائد کرتے ہوئے کہا کہ محمد شامی اور گھر والوں نے جسمانی تشدد کیا جبکہ ایک بار

مجھے جان سے مارنے کی کوشش بھی کی گئی۔ انہوں نے کہاکہ محمد شامی کی مختلف خواتین سے دوستیاں اور تعلقات ہیں ٗ شامی کو سنبھلنے کیلئے کافی وقت دیا تاہم اب بہت ہو چکا۔دوسری جانب محمد شامی نے اہلیہ کے الزامات کو بے بنیاد قرار دیتے ہوئے کہا جو کچھ بھی خبروں میں چل رہا ہے سب جھوٹ ہے ٗیہ سب مجھے بدنام کرنے اور میری شہرت کو نقصان پہنچانے کی سازش ہے۔

موضوعات:محمد شامی