کراچی(آئی این پی ) کراچی ایئرپورٹ پر کرکٹ کے مداح اپنے درمیان ویسٹ انڈیز کھلاڑی ڈیرن سیمی کو پا کر حیران رہ گئے ، تاہم ڈیرن سیمی نے کراچی آمد پر بنائی گئی اپنی ویڈیو کو کچھ دیر بعد ہی کوئی وجہ بتائے بغیر ڈیلیٹ کردیا۔تفصیلات کے مطابق پشاور زلمی کے کپتان ڈیرن سیمی کراچی پہنچ گئے ہیں، جہاں وہ ایک ایڈورٹائزمنٹ کی شوٹنگ میں حصہ لیں گے۔

پشاور زلمی کے کپتان اور ویسٹ انڈین آل راونڈر ڈیرن سیمی اشتہار کے سلسلے میں کچھ روز کراچی میں قیام کریں گے۔ شارع فیصل سے گزرتے ہوئے ڈیرن سیمی نے اپنے ٹوئیٹر اکاونٹ پر ایک فوٹیج اپ لوڈ کی تھی جسے انہوں نے چند لمحوں بعد وہاں سے ہٹا بھی دیا۔واضح رہے کہ گزشتہ سال 2017 پاکستان سپر لیگ کا فائنل کھیلا تھا، جس میں پشاور زلمی کی قیادت کرتے ہوئے کوئٹہ گلیڈی ایٹرز کے خلاف ایونٹ کا ٹائٹل جتوانے میں نمایاں کردار ادا کیا تھا۔

موضوعات:ڈیرن سیمی