جوہانسبرگ(این این آئی)شادی کے بعد انوشکا شرما ویرات کوہلی کیلئے خوش قسمتی کی علامت بن گئی ہیں، ویرات کوہلی کے گرائونڈ میں 150رنز کرنے پر شادی کی انگوٹھی کا بوسہ لیتے ہوئے انوشکا سے محبت کے اظہار کی ویڈیو وائرل ہوگئی۔میڈیا رپورٹ کے مطابق بھارتی کرکٹر ویرات کوہلی نے جنوبی افریقہ کے ساتھ جاری دوسرے ٹیسٹ میں 150رنز کرنے پر شادی کی انگوٹھی

کا بوسہ لیتے ہوئے نہ صرف اپنی اہلیہ انوشکا شرما سے محبت کا اظہار کیا بلکہ انہیں اپنی خوش قسمتی کی علامت ظاہر کرتے ہوئے تنقید کرنے والوں کو کرارہ جواب دے ڈالا۔واضح رہے کہ ویروشکا کی خفیہ شادی کے بعد ویرات کوہلی کی گرائونڈ میں واپسی اور پھر جنوبی افریقہ کے ساتھ ٹیسٹ میچ کے پہلے روز صرف 5رنز پر آئوٹ ہونے پر انوشکا شرما کو تنقید کا نشانہ بنایا گیا تھا۔

موضوعات:انوشکا،ویرات