اسلام آباد(این این آئی)وزیر دفاع خرم دستگیر نے کہا ہے کہ پاکستان طالبان پر اثر انداز ہونے کی پوزیشن میں نہیں رہا۔ایک انٹرویو میں خرم دستگیر نے واضح کیا کہ افغانستان کے 45 فیصد حصے پر دہشت گردوں کی محفوظ پناہ گاہیں ہیں ،دہشت گردوں کی نقل وحرکت روکنے کیلئے پاک افغان سرحد پر باڑ کا کام ہر صورت ہوگا ۔انہوں نے کہا کہ پاکستان کے خلاف کوئی بھی ایکشن اب امریکا کے مفاد میں نہیں ، یہ کوئی 2009والا

پاکستان نہیں ۔خرم دستگیر نے کہا کہ پاکستان اب امریکا اور افغانستان کے طالبان کے ساتھ مری طرز کے مذاکرات نہیں کرائے گا۔انہوںنے کہاکہ ہم نے نان اسٹیٹ ایکٹرز کو ختم کرنا ہے رد الفساد کے ذریعے یہ کام ہورہا ہے،دہشت گردی کے خاتمے کیلئے سول ملٹری میں مکمل اتفاق ہے۔

موضوعات:خرم دستگیر خان