اسلام آباد(مانیٹرنگ ڈیسک)بالی ووڈ کنگ شاہ رخ خان کے نئے کمرشل نے دھوم مچا دی، انٹرنیٹ پر وائرل ویڈیو کو سوشل میڈیا صارفین نے اب تک کا سب سے بہترین کمرشل قرار دیدیا۔ تفصیلات کے مطابق دبئی کی سیاحت کو فروغ دینے کیلئے دبئی انتظامیہ کی جانب سے ایک کمرشل دنیا بھر کے سیاحوں کو راغب کرنے کیلئے بنایا گیا ہے جس میں دکھایا گیا ہے کہ بالی ووڈ کنگ شاہ رخ خان دبئی میں اچانک کسی مال

میں سیلز مین کے طور پر، سڑک پر، جاگنگ ٹریک پر جاگنگ کرتے ہوئے اورکسی ہوٹل میں ویٹر کے طور پر کھانا میز پر لگاتے عام افراد کے سامنے نمودار ہوتے ہیں اور لوگ انہیں اپنے پاس اتنے نزدیک بغیر کسی سکیورٹی کے مختلف روپ میں دیکھ کر ورطہ حیرت میں ڈوب جاتے ہیں۔ شاہ رخ خان کا یہ نیا کمرشل اس وقت سوشل میڈیا مچا رہا ہے اور اسے بہت زیادہ سراہا جا رہا ہے۔۔کمرشل کی ویڈیو ملاحظہ کریں!

موضوعات:شاہ رخ خان