اسلام آباد(مانیٹرنگ ڈیسک) پاکستان مسلم لیگ(ن) کے نئے قائمقام صدر کے حوالے سے اختلافات کھل کر سامنے آ گئے، چوہدری نثار نے قائمقام صدر کے نام پر پہلے سے ہی فیصلہ کر لینے پر علم بغاوت بلند کر دیا۔ تفصیلات کے مطابق نجی ٹی وی چینل ’’جیو‘‘ نیوز نے اپنی رپورٹ میں کہا ہے کہ سابق وزیر داخلہ چوہدری نثار نے نئے قائمقام صدر (ن) لیگ کے نام پر شدید تحفظات ہیں۔

چوہدری نثار کا کہنا ہے کہ نواز شریف نے اگر فیصلہ لاہور میں بیٹھ کر کرناتھا تو پارلیمانی کمیٹی کا اجلاس بلانے کی کیا ضرورت تھی؟ مسلم لیگ (ن) کے نئے قائمقام صدر کے نام کا فیصلہ پہلے ہی کر لیا گیا تھا بس اجلاس بلا کر خانہ پری کی گئی ہے۔ رپورٹ کے مطابق چوہدری نثار نے نئے صدر کے نام پر مشاورت کیلئے خانہ پری کرنے پر شدید برہمی کا اظہار کیا ہے۔

موضوعات:چوہدری نثار نواز شریف