ممبئی(آن لائن)بالی وڈ کے چاکلیٹی ہیرو رنبیر کپور کے ممبئی کی ایک حسینہ کے عشق میں گرفتار ہونے کی خبریں گردش کررہی ہیں۔رنبیر کپور اور کترینہ کیف کے درمیان معاشقہ ختم ہونے کے بعد دونوں ایک دوسرے کو نظر انداز کرتے ہیں اور دونوں کے تعلقات بھی انتہائی کشیدہ ہیں لیکن اس کے باوجود بالی وڈ کی یہ جوڑی فلم جگا جاسوس میں ایک ساتھ کام کررہی ہے۔بھارتی میڈیا رپورٹس کے مطابق رنبیر کپور ایک بار پھر محبت

میں مبتلا ہوگئے ہیں اور انہیں کئی مقامات پر ایک حسینہ کے ساتھ دیکھا گیا ہے۔لیکن حیران کن بات یہ ہے کہ اس بار رنبیر کپور کی گرل فرینڈ کوئی بالی وڈ اداکارہ نہیں بلکہ ممبئی کی ایک نامعلوم حسینہ ہے جو منظر عام پر نہیں آئی۔بھارتی میڈیا نے دعوی کیا ہے کہ یہ حسینہ ممبئی کی رہائشی ہے جس سے رنبیر کی ملاقات فلم جگا جاسوس کی تشہیری تقاریب کے دوران ہوئی جب کہ اس بارے میں اداکار کی سابقہ محبوبہ کترینہ کو بھی بخوبی علم ہے۔رنبیر کپور اپنی نئی دوست کے ساتھ خوب سیر سپاٹے کررہے ہیں جب کہ اداکار جب ان کے ساتھ نہیں ہوتے تو انہیں ہر وقت فون پر مصروف دیکھا گیا ہے۔بھارتی میڈیا کا کہنا ہیکہ کترینہ نے اس معاملے پر بظاہر انتہائی ٹھنڈا رویہ اپنا رکھا ہے لیکن شدید پریشانی ان کے چہرے سے ہی عیاں نظر آتی ہے۔واضح رہے کہ رنبیر اور کترینہ کی فلم جگا جاسوس 14 جولائی کو نمائش کے کے لیے پیش کی جائے گی۔

موضوعات:رنبیر کپور