اسلام آباد (این این آئی) عمران خان نے ایک بار پھر حکومت کو سڑکوں پر آنے کی دھمکی دیتے ہوئے کہا ہے کہ حکومت پارٹی کے سوشل میڈیا کارکنوں کے خلاف کارروائی سے باز نہ آئی تو سڑکوں پرنکل آئیں گے۔ٹویٹر پیغام میں عمران خان نے پارٹی کے سوشل میڈیا کے کارکنوں کے خلاف حکومتی کارروائی پر برہمی کا اظہار کیا۔ عمران خان نے حکومت کو خبردار کیا کہ پارٹی کے سوشل میڈیا کے لوگوں کے خلاف

کوئی کارروائی ہوئی تو وہ سڑکوں پر آئیں گے۔  تحریک انصاف کے چیئرمین نے کہا کہ قومی سلامتی کے نام پر تحریک انصاف کے سوشل میڈیا کے ایکٹوسٹس کو حراست میں لیا گیا ہے۔چیئرمین پی ٹی آئی عمران خان نے سماجی رابطے کی ویب سائٹ کے ذریعے حسن روحانی کو دوسری بار بھاری اکثریت سے ایران کے صدر منتخب ہونے پر مبارکباد بھی دی ہے۔او رنیک تمنائوں کااظہارکیا۔

موضوعات:سوشل میڈیا