ممبئی (این این آئی)بالی ووڈ اداکار راج کمار راؤ اپنی نئی فلم ’’رابطہ‘‘ میں معمر ترین شخص کا کردار نبھائیں گے۔بھارتی میڈیا کے مطابق بالی ووڈ اداکار راج کمار راؤ اپنے کردار میں ڈھلنے کیلئے کوئی بھی رسک لینے سے گریز نہیں کرتے۔ ان کے نئے روپ میں انہیں پہچاننا کسی صورت ممکن نہیں ہے۔ ہالی ووڈ فلموں کے میک اپ آرٹسٹ جارج

ٹرویسٹر نے راج کمار راؤ کا روپ فائنل کرنے کیلئے 16 سے زائد روپ ٹیسٹ کیے جبکہ ان کے میک اپ پر 6 گھنٹے سے زائد محنت کی گئی ہے۔ راج کمار نے اس فلم میں 324سال کے انسان کا رول پلے کیا ہے۔ اداکار نے سوشل میڈیا پر اپنے نئے روپ کی تصدیق کرتے ہوئے تصویر شیئر کی ہے جسے مداحوں کی جانب سے بے حد پسند کیا جا رہا ہے۔

موضوعات:راج کمار