لاہور(مانیٹرنگ ڈیسک) پنجاب حکومت بازی لے گئی۔ پنجاب کےتقریباََایک لاکھ ستر ہزار سے زائد سرکاری سکولوں کے اساتذہ کو ترقیاں دینے کا فیصلہ ہو گیا۔ پنجاب حکومت کی جانب سے تمام ضلعوں کے ایجوکیشن آفیسرز کو جاری نوٹی فیکیشن میں حکم جاری کیا گیا ہے کہ تمام اساتذہ کو اگلے سکیلز میں ترقی دی جائے۔ نوٹیفیکیشن کے مطابق سکیل 9 اور 12 کے سوا لاکھ سے زائد اساتذہ کو

سکیل 14 دیا جائے گا ۔ سکیل 14 اور 15 کے 40 ہزار اساتذہ کو سکیل 16 میں ترقی دی جائے گی جبکہ سکیل 16 کے 25 ہزار اساتذہ کو سکیل 17 میں ترقی دی جائے گی۔مجموعی طور پر پنجاب کے سرکاری سکولوں میں تعینات 1 لاکھ 70 ہزار سے زائد اساتذہ کو اگلے سکیلز میں ترقی دی جائے گی۔

موضوعات:پنجاب حکومت