لاہور ( این این آئی) لاہور ہائیکورٹ نے لاہور کے پاکستان منٹ کے قریب اورنج لائن میٹرو ٹرین کے اسٹیشن کی جگہ تبدیل کرنے کی دائردرخواست مسترد کردی ۔ گزشتہ رو زلاہور ہائیکورٹ کے جسٹس عابد عزیز شیخ کی سربراہی میں دورکنی بنچ نے کیس کی سماعت کی ۔ درخواست گزار مقامی شہری عابد انور کی جانب سے موقف اختیار کیا گیا کہ شالامار باغ کے قریب پاکستان منٹ میں ذاتی پٹرول پمپ کی جگہ پر اورنج ٹرین کا اسٹیشن بنایا جارہا ہے

لہٰذا معزز عدالت سے استدعا ہے کہ اورنج ٹرین کا سٹیشن تبدیل کرنے کے احکامات جاری کیے جائیں ۔ایل ڈی اے کے لیگل ایڈوائزر سلمان منصور عدالت میں پیش ہوئے اور بتایا کہ درخواست گزارکومتبادل راستہ دیا گیا ہے ایک پراپرٹی کی وجہ سے سٹیشن تبدیل نہیں کیاجاسکتا ۔جس پر فاضل عدالت نے فریقین کے دلائل سننے کے بعد درخواست مسترد کردی۔

موضوعات:اورنج ٹرین پنجاب حکومت لاہور ہائیکورٹ