دو صحابہؓ انڈونیشیا میں آئے، انہوں نے کوئی تبلیغ نہیں کی، کوئی وعظ نہیں کیا، کوئی درس قرآن نہیں دیا، فقط دکان کھولی، ان کی دکان داری کو دیکھ کر پورا ملک مسلمان ہو گیا، ایسے اصولوں کے ساتھ دکانداری کی کہ لوگ ان کی دکان سے خریداری کرناپسند کرتے تھے مگر لوگ دیکھتے تھے کہ یہ درمیان میں کچھ وقت کے لیے دکان بند کر دیتے ہیں، پوچھتے کہ گاہک کھڑے ہوتے ہیں اور آپ دکان بند کر دیتے ہیں،
کیا وجہ ہے؟ وہ کہتے کہ اس وقت میں، ہم اپنے رب کی عبادت کرتے ہیں، پھرپوچھتے، جی! آپ چھٹی کیوں کرتے ہیں؟ بتاتے کہ وہ جمعہ کا دن ہوتا ہے، لوگوں نے کہا: اچھا! تمہیں دکان داری کے یہ اصول و ضوابط کس نے سکھائے، انہوں نے کہا: یہ اصول و ضوابط ہمیں ہمارے نبی کریمؐ نے سکھائے تھے، وہ کہنے لگے کہ اگر انہوں نے آپ کو سکھائے تھے تو آپ ہمیں بھی سکھا کر اپنے جیسا بنا لیجئے۔ سبحان اللہ!
